::
| Xatîp Dîcle 8 saetan kelepçekirî li salonekê hate rawestandin |
 |
| 17:34 2010-03-19 | |||
 Dewleta Tirk hewldanên rûmet-şikandinê yên li hember siyasetvanên kurd dewam dike.Rayedarên tirk, Hevserokê Kongreya Civaka Demokratîk KCD'ê Xatîb Dîcle 8 saetan bi awayekî destkelepçekirî li salonekê rawestandin. Rûniştina doza Dîcle, ya ji ber xwendina encamnameya KCD'ê roja 14'ê Hezîrana sala 2009'an, doh li 5. Dadgeha Cezaya Giran a Amedê pêk hat. Dîcle bal kişand ser pêkanînên rûmet-şikandin û kêfî yên rayedarên tirk û anî zimên ku beriya rûniştinê, ew 8 saetan bi awayekî kelepçekirî li salonekê hatiye rawestandin. Dîcle diyar kir ku ew dê careke din di rûniştinê dozê de amade nebe û xwest doza wî, bi doza hevalên wî yên ku di 14'ê Nîsanê de hatibûn girtin re, bibe yek. Dîcle îdîayên dozgeriyê ku wî propagandaya rêxistinê kiriye, red kirin û bal kişand ser girîngiya Rêberê Gelê Kurd Abdullah Ocalan ya ji bo çareseriya pirsgirêka kurd. Dîcle bi bîr xist ku 3 mîlyon û nîv kurdan Ocalan weke îradeyê xwe ya siyasî îlan kiriye û xwest ev daxwaz li ber çavan were girtin û anî zimên ku wan Kongreya Civaka Demokratîk tevî 800 kesan, ji bo xizmeta çareseriya demokratîk ava kiriye û ew xebatên ji bo çareseriyê dimeşînin.
|
