|
 'Dema ez hatim çiyê, min dît ku li vir jiyan û cîhaneke mezin heye. Daxwza min jî ew bû ku ez behsa vê jiyanê bikim'....
Beriya vê bi 2 salan, ango 1'ê Nîsana 2008'an gerîllayê derhêner Halîl Uysal yê jiyana xwe ji dest dayî, weha behsa jiyana xwe kiribû...
Halîl gotibû, 'Doza min ewe ku ez behsa gerîllayan bikim'..
Belê niha em serpêhatiyên jiyan û têkoşîna Halîl Dag tînin ser ekranên we...
Ew gerîlla, derhêner û wênekêş bû..
Beriya her tiştî jî, mirov bû...
Sala 1973'an li Elmanyayê weke Halîl Uysal ji dayîk bû...
Piştî ku tevgera azadiya gelê Kurd nas kir bi demeke kurt, bû Halîl Dag, bi gotineke din Xelîl Çiya û jiyana wî bi temamî hat guhertin..
Ji ber ku bavê wî ji Îzmîrê û dayîka wî jî ji Agiriyê ne, vê yekê hişt ku Halîl ji cûdabûna hez bike.
Eger wî Kurd nas nekirana wê aliyekî Halîl kêm mabûya...
Dinava damzerandina yekemîn televizyona Kurd li Ewrûpayê Med Tv de, cihê xwe girt...
Dema ku hîs kir ku ew ê bi vî awayî tam nikaribe tevgera azadiya gelê Kurd tam fêm bike, berê xwe da Rojhilata Navîn....
Sala 1995'an ji bo hevdîtinekê bi Rêberê Gelê Kurd Abdullah Ocalan re çêbike, çû Şamê. Piştî vê hevdîtinê, mîna ku ew jî dibêje, Halîl ji rojên vejîna gelekî re Şahidî kir. Di nivîseke xwe de, Halîl weha behsa tiştên ji çiyayên Kurdistanê fêr bûye dike...
'Min, tenê bendena xwe anî çiyê. Lê min gelek tişt ji çiyan wergirtin. Ez li çiyê mezin bûm. Ne wekî temaşevanekî. Min bi her awayî di nava jiyana çiyê de cihê xwe girt.'
Pêşî wêneyên gerîlla kişandin
Ji bo Halîl kişandina wêneyên gerîllayekî dev bi ken, serketinek bû. Ji xwe wî jî weha gotibû, 'Ez bawerim ku li van çiyayan gelek tiştên balkêş hene'. Ji bo van dîmen û bûyerên balkêş ragihîne, kişandina wêneyan ji bo wî xeyalek bû. Halîl bi vê xebata xwe baş dizanîbû, ku ji jiyana wan kesên ciwan, tenê wê ev wêne bimînin...
Halîl tenê bi kişandina wêneyan bisînor nema, dixwest vê yekê bi riya sînemayê jî, bi mirovahiyê bide naskirin...
Sînemaya wî bi 'tîrêj'ê destpê kir û bi fîlmê Bêrîtan bilind bû
Pêşxistina xebatên sînemayê li çiyê, dibe ku ji bo gelek kesan xeyal be, lê Halîl ev yek hem dijiya û hem jî, pêk dianî. Fîlmên ku bi mîlyonan dolarî têne amadekirin, Halîl bi xwêdana keda eniya xwe temam kirin, ne tenê yek, tam derhêneriya 6 fîlman kir..
Tîrêj, Neynika Bejnê, Sirê Rûyemên me, Demên Jin ji wan hez dike, Hêstirên Zapê û herî dawî jî, Bêrîtan. Halîl bi fîlmê Bêrîtan, berxwedana jina Kurd nîşanî tevahiya mirovahiyê da.
Klîbên gerîllayan ku îro ji aliyê mîlyonan kesî ve tê temaşekirin jî, berhemên Halîl in. Halîl rê li ber Delîla vekir ku wî dengê xwe yê xweş bighîne her Kurdî. Halîl her tim di jiyana xwe de, hewl dide kêmasiyekê temam bike.
Dema belgefîlmê 'meşa ber bi agiriyê ve' amade dikir jiyana xwe ji dest da
Halîl ji bo xebata belgefîlmekî ku behsa 'Meşa ber bi Çiyayê Agiriyê ve' bide destpêkirin, berê xwe da Bakurê Kurdistanê.
Halîl weha behsa heyecana wê rêwîtiya xwe dikir:
'Dema ku ez difikirim ez ê belgefîlmê bi navê 'Meşa ber bi Çiyayê Agiriyê ve' temam bikim, gelekî bi heyecan dibim. Li vê herêmê şerên dijwar diqewimin, gelo ez ê karibim xebata xwe biserketî temam bikim, ez vê yekê nizanim. Lê qet nebe, ez ê jî weke wan moriyên ber bi Kabeyê ve dimeşin, di wê rê de bimrim.'.
Halîl, vê carê nekarî xebata xwe temam bike.
Li rawestgeha yekemîn ya Halîl, li herêma Botanê, 1'ê Nîsanê tevî 3 hevalên xwe, di encama êrîşa artêşa Tirk de, jiyana xwe ji dest da...
Halîl ê digot, 'Li şûna ku ez li kêlekê bisekinim, pêwîste ez li navenda şer bim', wê ti carî ji aliyê gerîllayên Kurdistanê ve neyê jibîrkirin..
Dibe ku Halîl jiyana xwe ji dest dabe, lê wî bi dehan klîp, gotar, gelek wêne û 6 fîlm li pey xwe hiştin...
Nivîsên Halîl yên mayî jî, piştî jiyana xwe ji dest da, hatin berhevkirin û weke pirtûk hatin weşandin..
burda halille ilgili klip var ya onla bitiririz.
Hevalên Halîl jî, xwedî li mîrateya wî derketin û xebatên wî yên nîvco mayî, temam dikin.
|
